DIN VO SUHANE

Kisse ab vo purane ho gaye
batein guzre jamane ho gaye
dafn ho chuke hai vo din ab
ratein vo khwab sayane ho gaye

Karte the batein baith ghanto
sunte the gane FM pe sab to
ladte bhi the ham kuch kam nhi
ruthna manana chalta rha barso

Kitne busy the tab ham
na jane kya ham karte the?
yahan jana hai...phir vahan bhi
bas isi soch me rhte the

Classes thi, practicles the aur seminars bhi
par lecture bunk ke tarike apnane the
tutorials thi, class test the aur sessionals bhi
par inko na karne ke bhi sau bahane the

Yaad ate hai vo din jab ham
canteen me baith truth and dare khelte the
garden ki masti, seedhiyon ki shararat
vo taqrar jo jaan ke karte the

Sab apne hai mere yahan par
kahan vo log jo meri jaan hua karte the?
sab sapne sach hue yahan par
kahan vo lamhe jo ab yadon me basa karte hai?
...................................................................................SNEHA SWAROOP